Sariak banatuta, ireki dute Sokamuturra 2017 argazki lehiaketaren erakusketa

Apirilak 02, 2017 0 Sokamuturra

(Uztarria.eus) Azpeitiko Argazki Elkarteak banatu ditu Sokamuturra 2017 Imanol Elias Saria argazki lehiaketaren garaikurrak. Jende asko elkartu da Udalak Foruen Ibilbidean jarri berri duen erakusketa aretoan. Han, zintzilikatuta, karnabaletako sokamuturrean eta jai giroan atera eta aurtengo lehiaketara aurkeztu diren 78 argazkiak jarri dituzte, gaur hasi eta apirilaren 23a arte zabalik izango den erakusketarako. (sari emateko argazki bilduma)

Aurtengo karnabaletako bideoen muntaiak

Martxoak 27, 2017 0 Sokamuturra

Sokamuturzaleek aurtengo karnabaletako zezenaz Zezen Beltz elkarteko Whatsapp-era bidalitako irudien muntaiak dira bi hauek (asteartekoa falta zaigu). Aurten zaleen 133 bideo jaso ditugu, eta, zozketan, Vanessa Ridruejori tokatu zitzaion bi lagunentzako afaria. Eskerrik asko denei!

Igande karnabala (otsailak 26) Astelehen karnabala (otsailak 27)

Zezen Beltzen YouTubeko kanalak, 200.000 ikustaldi pasa!

Martxoak 14, 2017 0 Zezen Beltz

Zezen Beltz elkartearen YouTubeko kanalak 200.000 ikustaldi gainditu ditu aste honetan. Ia 202.800 dauzka oraintxe bertan. Datu bikaina delakoan gaude. 2011ko otsailetik dugu youtube.com/zezenbeltz2010; duela sei urtetik, beraz. Bideoak Azpeitiko sokamuturrekoak (handikoak nahiz txikikoak), zezen txikietakoak, Grand Prixekoak, errekortarien txapelketakoak, entzierro txikikoak edota sokamuturraren kongresuetakoak dira. Soka ez da eten dokumentala ere badugu igoa, atalka. Ikus-entzuneko arloan artxiboa osatzen joateko sortu genuen YouTubeko kanala. Eskerrik asko bisitari denei!

Sokamuturreko 133 bideo jaso ditugu aurten, iaz baino 12 gehiago

Martxoak 10, 2017 0 Sokamuturra

Vanessa Ridruejori tokatu zaio bi lagunentzako afaria. Zezen Beltzen elastikoak: IƱigo Enparani eta Jugatz Aldalurri. 22 lagunek bidali dituzte karnabaletako zezeneko 133 bideo laburrak. Iaz, lehen edizioan, 121 jaso genituen. Egitasmo txiki honekin sokamuturreko ikusentzunekoa jaso, bildu, antolatu eta eskaintzea da Zezen Beltzen helburua. Eskerrik asko denei! (hurrengo asteetan igoko ditugu bideo muntaiak; irudian, jasotako bideoetako bat).

Ederra izan da!

Martxoak 01, 2017 0 Sokamuturra

Bukatu dira aurtengo karnabalak eta bertako sokamutur irteerak. Oso balorazio ona egiten dugu, ederra izan baita: jendetza zezenean, sekulako anbientea, eguraldiak ere lagundu du... Hiru sokamutil erretiratu dira: Oskar Osinalde, Mikel Odriozola eta Iban Sudupe; eskerrik asko! Baita sokamuturrean parte hartu duzuen denoi ere! Hurrengo urtean gehiago, bai horixe! (ikusi bideo batzuk behean; zuk sokamuturreko bideorik grabatu baduzu, bidali Whatsapp-ez: 717770069).

Soka soltatzeko ordua iritsi zaie

Otsailak 24, 2017 0 Sokamuturra

(Uztarria) Urte luzez sokamutil izan ostean, galtza zuriei eta gerriko gorriari agur esango diote Mikel Odriozolak, Iban Sudupek eta Oskar Osinaldek, aurtengo Astearte Karnabalean. Denboran atzera begira jarri dira hiru sokamutilak, eta solasean aritu dira Uztarria.eus-ekin. Sokamutil paperean bizitako esperientziak, erretiroa hartzearen arrazoiak eta Azpeitiko sokamuturrari ikusten dioten etorkizuna izan dituzte hizpide, besteak beste. Sokamutil izateari utzita, tristura edo lasaitasuna? Galdera horri ere eman diote erantzuna Odriozolak, Sudupek eta Osinaldek. Soka soltatzeko ordua iritsi zaie.

Bidali aurten ere sokamuturreko bideo laburrak

Otsailak 22, 2017 0 Sokamuturra

Iazko probak ederki irten zuen, eta Zezen Beltz elkarteak aurten ere herritarrei eskatuko die datozen karnabaletako sokamuturreko bideo laburrak bidaltzeko, telefono mugikorrez grabatutakoak. Helburua: sokamuturrean ikusentzuneko artxiboa osatzen joatea. Iaz: 121 bideo! Bidaltzaileen artean bi lagunentzako afaria zozketatuko dugu. Whatsapp zenbaki honetara bidali bideoak: 717770069

Karnabaletako sokamuturraren hitzorduak

Otsailak 20, 2017 0 Sokamuturra

Helduen zezenean bost irteera izango dira datoren igandean, astelehenean eta asteartean, ohi bezala. Oharra: 16 urtetik beherako lagunek ezin dute ibilbide barruan egon. Txikien saio bat izango da, astelehenean.

Festen ikur nagusietakoa den seinale berriz ere

Urtarrilak 23, 2017 0 Sokamuturra

Sansebastianetako saioetan ere ikusi da Azpeitiko sokamuturrak jendetza biltzen duela: zahar eta gazte, emakume eta gizon, herriko nahiz kanpoko, eguraldia eguraldi. San Sebastian egunez eta igandean izan zen helduentzako zezena, txikien hitzordua igandean izan zen, eta jendea erruz ibili da. Gure herriko festen ikur nagusietakoa dugu sokamuturra. Eskerrik asko zale denei, eta sokamuturra izatea ahalbidetzen duten beste guztiei. Hemen bi egunetako 11 argazki. Zezena hurrena berriz ere, karnabaletan: otsailaren 26an, 27an eta 28an. Ordura arte!

Mikel Olarte: "Gustatu egiten zait korrika egitea, zezenaren aurrean ibiltzea"

Urtarrilak 21, 2017 0 Sokamuturra

Mikel Olarte (Azpeitia, 1994) lehen aldiz sokamutil aterako da igandean. Elkarrizketa egin dio 'Urola Kostako Hitza' egunkariak.

Sansebastianetako sokamuturraren egunak eta ordutegiak

Urtarrilak 09, 2017 0 Sokamuturra

Urtarrilak 20, ostirala (San Sebastian eguna)

12:00-12:30. Helduen sokamuturra. Ganadutegia: Arno
16:30-20:00. Helduen sokamuturra. Ganadutegia: Arno

Urtarrilak 22, igandea

12:30-13:30. Txikien sokamuturra, eta zezen txikiak eta poniak plazan.
16:30-20:00: 
Helduen sokamuturra. Ganadutegia: Bergarako zezenak.

Grand Prixeko unerik onenak

Azaroak 25, 2016 0 Zezen Beltz

Joan den urriaren 15ean izan ziren Grand Prixeko jolasak, Zezen Beltz VIII. asteburuaren barruan. Saioa osorik ikusgai jarri genuen, eta orain, hango momenturik onenekin bideo bat egin dugu (goikoa).

Helduen entzierroaren bideo montajea

Azaroak 17, 2016 0 Zezen Beltz

Aurtengo Zezen Beltz asteburuko (VIII.a) egin dugu lehenengo aldiz helduen entzierroa, eta oso gustura geratu ginen, ederki atera zelako. Kamera batzuk jarri genituen ibilbidean, eta orain osatu dugu bideo montajea; goikoa da. Urriaren 16an izan zen entzierroa; sei zezen atera ziren Mixikordi barrenetik, eta Fideo alderaino joan-etorria egin zuten, bi aldiz.

VIII. asteburuko argazki bilduma

Azaroak 16, 2016 0 Zezen Beltz

Joan den urriaren 15ean eta 16an izan zen Zezen Beltz VIII. asteburua (balorazioa), eta orain osatu dugu orduko ekitaldien argazki bilduma, 248 irudirekin. Helduen entzierroko eta zezen bolaztatuko 111 argazki daude, Grand Prix solidarioko 64, lehenengo sokamutur txikiko 35 eta bigarrengoko 38. Bihar, entzierroko bideo landu bat jarriko dugu ikusgai hemen.

Gozatua Errebaleko zezenean

Azaroak 13, 2016 0 Sokamuturra

Euripean izan genuen atzo Errebaleko festetako sokamuturra, baina gozatu genuen. 13:00etan zezen txikiak eta poniak izan ziren. 16:30etik aurrera, helduen sokamuturra. Bietan, Lopene ganadutegia. Eskerrik asko Errebalean izandako denoi eta festa batzordeari. Zezena hurrena berriz ere, sansebastianetan. Ordura arte! (behean atzoko zortzi argazki)

Larunbat honetan, sokamuturra Errebalean

Azaroak 11, 2016 0 Sokamuturra

Aurten ere izango da Errebaleko San Martin festetan zezena, Zezen Beltz elkarteak antolatuta eta ordainduta. Egitaraua:

- 13:00: zezen txikiak eta poniak. Ganadutegia: Lopene.
- 16:30: helduen sokamuturra. Ganadutegia: Lopene.

Iazko bideo bat da behekoa (gehiago, hemen):

Zezen Beltz VIII. asteburuko sokamutur txikia

Urriak 29, 2016 0 Zezen Beltz

Bi egunetako sokamutur txikiaren bideo muntaiak dira, urriaren 15 eta 16koak.

Aurtengo Grand Prix jolasak ikusgai, osorik

Urriak 27, 2016 0 Zezen Beltz

Urriaren 15ean izan zen, Azpeitiko zezen plazan, Zezen Beltz VIII. asteburuaren barruan. Aurtengo Grand Prixa berezia izan da. Izan ere, sarrerekin lortutako dirua Aspanogi Gipuzkoako haur minbizidunen gurasoen elkarteari eman dio Zezen Beltz elkarteak: 6.000 euro.

Zezen Beltz asteburu mundiala!

Urriak 18, 2016 0 Zezen Beltz

Ezin hobeto atera da aurten ere Zezen Beltz VIII. asteburua, eguraldia lagun egundoko parte hartze eta giro ona egon baita: bai ekitaldi eta ikuskizunetan, baita antolaketan ere. Hain zuzen, ekinbideen prestaketan jendeak eman digun laguntza nabarmendu nahi dugu, eskertzekoa delako, adibidez, helduen entzierroan hesiak-eta jartzen emandakoa, edo jakien dastatzean jasotakoa, eta beste ekitaldietakoa ere bai. Eskerrik asko!

Helduen lehen entzierroa, arrakastatsua

Urriak 16, 2016 0 Zezen Beltz

Arrakastatsua izan da Zezen Beltz VIII. asteburuko helduen entzierroa. Lehen aldiz antolatu dugu, eta dotore irten du. Sei zezen atera dira Mixikordi barrenetik, arratsaldeko bostak pasatxo zirela, eta Fideo alderaino joan-etorria egin dute, bi aldiz. Jende asko izan da ibilbidean. Bideoa, Zezen Beltzek eta Uztarriak hartutako irudiekin osatutakoa da. BEHEAN, EGUNEKO BIDEO GEHIAGO ETA ARGAZKIAK.

2.orria, 17(e)tik
2