Zezena Trinidade festetan

Maiatzak 26, 2018 0 Sokamuturra

Aurten ere izan da sokamuturra Nuarben, Trinidade festetan, bertako batzordearen eta Zezen Beltzen elkarlanaren ondorioz. Hemen gaurko zortzi argazki.

Zezeneko bideo motzen bidaltzaileen saridunak

Otsailak 26, 2018 0 Sokamuturra

Marcos Gomez, Vanessa Ridruejo, Ander Beobide eta Jugatz Aldalur dira Zezen Beltz elkartearen sariak jasoko dituztenak. Herritarrei hirugarren urtez segidan eskatu diegu aurtengo karnabaletako zezeneko bideo laburrak bidaltzeko, eta aurreko bi urteetan baino gehiago jaso ditugu: 203 (2016an 121, iaz 133). Eskerrik asko denei. Bideoekin montajeak egiten eta argitaratzen hasiko gara. Sariak: bi lagunentzako afaria Sanagustin kulturgunean: Marcos Gomez. Irteera pelikularen ale bana: Vanessa Ridruejo, Ander Beobide eta Jugatz Aldalur.

Grabatu eta bidali sokamuturreko bideo motzak

Otsailak 08, 2018 0 Sokamuturra

Hirugarren urtez segidan sokamutur saioetan grabatutako bideo laburrak bidaltzeko eskatu die zaleei Zezen Beltz elkarteak. Duela bi urte 121 bideo jaso genituen; iaz 133. Animatu aurten ere, sokamuturzaleok. Bidali 717770069 whatsapp zenbakira bideoak. Hemen ezaugarri gehiago:

Jarraitu sokamuturraren bosgarren mendeurrena, SOKAMUTURRA.EUS blogean

Abenduak 20, 2017 0 Sokamuturra

Martxan da Azpeitiko sokamuturrak 500 urte (1518-2018) ospakizuneko Interneteko gunea: sokamuturra500.eus. Bosgarren mendeurreneko egitarauko albisteak, argazkiak, bideoak, elkarrizketak eta beste egongo dira. Jadanik badira ale batzuk. Datorren urtarrilaren 3an aurkeztuko dugu egitaraua, Sanagustin kulturgunean, prentsaurreko batean. Sansebastianak baino pixka bat lehenagotik karnabalak arte izango dira ekitaldiak.

Eneko Gereñok irabazi du sokamuturraren 500. urteurreneko ospakizuneko logo lehiaketa

Abenduak 11, 2017 0 Sokamuturra

Denera hamabi lagunen hamalau lan aurkeztu dira 'Azpeitiko sokamuturrak 500 urte' lehiaketan, eta datorren astean jarriko ditugu ikusgai. Eskerrik asko denei! Nuarbetarra da Eneko Gereño (1988), eta Informatika Aplikazioen Garapena ikasi zuen. Tarteka aurkeztu izan da logo eta kartel lehiaketa batzuetara –Antzerki Topaketetara, adibidez–, eta hau du aurreneko saria. 300 euro jaso ditu. "Logotipo sentziloa egitera joan nintzen, lehen bistadizoan antzematen dena zer den", dio Gereñok.

Ederki Errebaleko festetan

Azaroak 12, 2017 0 Sokamuturra

Atzo izan ziren zezen txikiak eta poniak eta helduen sokamuturra Errebaleko festetan; goizez eta arratsaldez. Ganadutegia: Lopene. Hemen argazki eta bideo batzuk.

Martxan da sokamuturraren 500. urteurreneko logotipo lehiaketa

Urriak 23, 2017 0 Sokamuturra

2018an Azpeitiko kaleko zezenak-sokamuturrak 500. urtea beteko du, eta Zezen Beltz Elkarteak, lehengo eta gaurko sokamutilek, Argazki Elkarteak, Musika Bandak, Udalak eta sokamuturzaleek osatutako herri batzordeak ospakizuneko logotipoa izateko lehiaketa bat jarri du abian. Lanak azaroaren 23ra artean aurkeztu ahal izango dira.

Azpeitiko sokamuturraren 500. urteurrena ospatzeko, herri batzordea

Urriak 18, 2017 0 Sokamuturra

2018an herriko kaleko zezenak-sokamuturrak 500. urtea beteko du, eta Zezen Beltz Elkarteak, lehengo eta gaurko sokamutilek, Argazki Elkarteak, Musika Bandak, Udalak eta sokamuturzaleek herri batzordea osatu dugu ospakizuna antolatzeko.

Arratsalde ederra Nuarbeko sokamuturrean

Ekainak 07, 2017 0 Sokamuturra

Nuarbeko Trinitate festetan bosgarren urtez segidan izan da helduentzako eta txikientzako sokamuturra, gaur (larunbata), Arno ganadutegiko zezenekin. Nuarbeko Festa Batzordeak eta Zezen Beltz Elkarteak antolatu dute. Ederra izan da arratsaldea. Nuarbetarrei eskerrik asko! (albistean, gaurko hiru argazki).

Sariak banatuta, ireki dute Sokamuturra 2017 argazki lehiaketaren erakusketa

Apirilak 02, 2017 0 Sokamuturra

(Uztarria.eus) Azpeitiko Argazki Elkarteak banatu ditu Sokamuturra 2017 Imanol Elias Saria argazki lehiaketaren garaikurrak. Jende asko elkartu da Udalak Foruen Ibilbidean jarri berri duen erakusketa aretoan. Han, zintzilikatuta, karnabaletako sokamuturrean eta jai giroan atera eta aurtengo lehiaketara aurkeztu diren 78 argazkiak jarri dituzte, gaur hasi eta apirilaren 23a arte zabalik izango den erakusketarako. (sari emateko argazki bilduma)

Aurtengo karnabaletako bideoen muntaiak

Martxoak 27, 2017 0 Sokamuturra

Sokamuturzaleek aurtengo karnabaletako zezenaz Zezen Beltz elkarteko Whatsapp-era bidalitako irudien muntaiak dira bi hauek (asteartekoa falta zaigu). Aurten zaleen 133 bideo jaso ditugu, eta, zozketan, Vanessa Ridruejori tokatu zitzaion bi lagunentzako afaria. Eskerrik asko denei!

Igande karnabala (otsailak 26) Astelehen karnabala (otsailak 27)

Sokamuturreko 133 bideo jaso ditugu aurten, iaz baino 12 gehiago

Martxoak 10, 2017 0 Sokamuturra

Vanessa Ridruejori tokatu zaio bi lagunentzako afaria. Zezen Beltzen elastikoak: Iñigo Enparani eta Jugatz Aldalurri. 22 lagunek bidali dituzte karnabaletako zezeneko 133 bideo laburrak. Iaz, lehen edizioan, 121 jaso genituen. Egitasmo txiki honekin sokamuturreko ikusentzunekoa jaso, bildu, antolatu eta eskaintzea da Zezen Beltzen helburua. Eskerrik asko denei! (hurrengo asteetan igoko ditugu bideo muntaiak; irudian, jasotako bideoetako bat).

Ederra izan da!

Martxoak 01, 2017 0 Sokamuturra

Bukatu dira aurtengo karnabalak eta bertako sokamutur irteerak. Oso balorazio ona egiten dugu, ederra izan baita: jendetza zezenean, sekulako anbientea, eguraldiak ere lagundu du... Hiru sokamutil erretiratu dira: Oskar Osinalde, Mikel Odriozola eta Iban Sudupe; eskerrik asko! Baita sokamuturrean parte hartu duzuen denoi ere! Hurrengo urtean gehiago, bai horixe! (ikusi bideo batzuk behean; zuk sokamuturreko bideorik grabatu baduzu, bidali Whatsapp-ez: 717770069).

Soka soltatzeko ordua iritsi zaie

Otsailak 24, 2017 0 Sokamuturra

(Uztarria) Urte luzez sokamutil izan ostean, galtza zuriei eta gerriko gorriari agur esango diote Mikel Odriozolak, Iban Sudupek eta Oskar Osinaldek, aurtengo Astearte Karnabalean. Denboran atzera begira jarri dira hiru sokamutilak, eta solasean aritu dira Uztarria.eus-ekin. Sokamutil paperean bizitako esperientziak, erretiroa hartzearen arrazoiak eta Azpeitiko sokamuturrari ikusten dioten etorkizuna izan dituzte hizpide, besteak beste. Sokamutil izateari utzita, tristura edo lasaitasuna? Galdera horri ere eman diote erantzuna Odriozolak, Sudupek eta Osinaldek. Soka soltatzeko ordua iritsi zaie.

Bidali aurten ere sokamuturreko bideo laburrak

Otsailak 22, 2017 0 Sokamuturra

Iazko probak ederki irten zuen, eta Zezen Beltz elkarteak aurten ere herritarrei eskatuko die datozen karnabaletako sokamuturreko bideo laburrak bidaltzeko, telefono mugikorrez grabatutakoak. Helburua: sokamuturrean ikusentzuneko artxiboa osatzen joatea. Iaz: 121 bideo! Bidaltzaileen artean bi lagunentzako afaria zozketatuko dugu. Whatsapp zenbaki honetara bidali bideoak: 717770069

Karnabaletako sokamuturraren hitzorduak

Otsailak 20, 2017 0 Sokamuturra

Helduen zezenean bost irteera izango dira datoren igandean, astelehenean eta asteartean, ohi bezala. Oharra: 16 urtetik beherako lagunek ezin dute ibilbide barruan egon. Txikien saio bat izango da, astelehenean.

Festen ikur nagusietakoa den seinale berriz ere

Urtarrilak 23, 2017 0 Sokamuturra

Sansebastianetako saioetan ere ikusi da Azpeitiko sokamuturrak jendetza biltzen duela: zahar eta gazte, emakume eta gizon, herriko nahiz kanpoko, eguraldia eguraldi. San Sebastian egunez eta igandean izan zen helduentzako zezena, txikien hitzordua igandean izan zen, eta jendea erruz ibili da. Gure herriko festen ikur nagusietakoa dugu sokamuturra. Eskerrik asko zale denei, eta sokamuturra izatea ahalbidetzen duten beste guztiei. Hemen bi egunetako 11 argazki. Zezena hurrena berriz ere, karnabaletan: otsailaren 26an, 27an eta 28an. Ordura arte!

Mikel Olarte: "Gustatu egiten zait korrika egitea, zezenaren aurrean ibiltzea"

Urtarrilak 21, 2017 0 Sokamuturra

Mikel Olarte (Azpeitia, 1994) lehen aldiz sokamutil aterako da igandean. Elkarrizketa egin dio 'Urola Kostako Hitza' egunkariak.

Sansebastianetako sokamuturraren egunak eta ordutegiak

Urtarrilak 09, 2017 0 Sokamuturra

Urtarrilak 20, ostirala (San Sebastian eguna)

12:00-12:30. Helduen sokamuturra. Ganadutegia: Arno
16:30-20:00. Helduen sokamuturra. Ganadutegia: Arno

Urtarrilak 22, igandea

12:30-13:30. Txikien sokamuturra, eta zezen txikiak eta poniak plazan.
16:30-20:00: 
Helduen sokamuturra. Ganadutegia: Bergarako zezenak.

Gozatua Errebaleko zezenean

Azaroak 13, 2016 0 Sokamuturra

Euripean izan genuen atzo Errebaleko festetako sokamuturra, baina gozatu genuen. 13:00etan zezen txikiak eta poniak izan ziren. 16:30etik aurrera, helduen sokamuturra. Bietan, Lopene ganadutegia. Eskerrik asko Errebalean izandako denoi eta festa batzordeari. Zezena hurrena berriz ere, sansebastianetan. Ordura arte! (behean atzoko zortzi argazki)

1.orria, 9(e)tik
Hasiera
Aurrekoa
1