Elegante Eguneko arratsaldeko sokamuturreko bideoa

Martxoak 22, 2016 0 Sokamuturra

2016ko karnabalak. Otsailak 7, igandea, arratsaldea. Bergarako Zezenak ganadutegia. Norbanakoek grabatu eta Zezen Beltz elkartearen Whatsappera bidalitako bideoekin eginiko montajea da. Beste egunetakoekin ere egingo dugu. Eskerrik asko denei! Jai karnabal eguerdiko bideoen montajea

Igor Froilanek irabazi du Sokamuturra 2016 Sari Herrikoia

Martxoak 22, 2016 0 Sokamuturra

(albistea: Azpeitiko Argazki Elkartea) Azken bi asteetan Sokamuturreko argazki lehiaketako erakusketara gerturatu diren ikusleek beraientzat argazki onena zein den bozkatu ahal izan dute. Igor Froilanen argazkiak lortu ditu bozka gehien, beraz Froilan da Sokamuturra 2016 Sari Herrikoiaren irabazlea. Sari-emate ekitaldia

Sokamuturra 2016 argazki lehiaketaren sariak banatuta, zabalik da erakusketa

Martxoak 05, 2016 0 Sokamuturra

(albistea: Azpeitiko Argazki Elkartea) Larunbat honetan, Betharram aretoan, 'Imanol Elias' Sokamuturra 2016 argazki lehiaketaren eta 'Iñaki Joaristi Altzarte' karnabal giroko argazki onenaren sari banaketa egin dugu. Jadanik ohitura den bezala, sariekin batera, Imanol eta Iñaki gogoratuz lore sorta bana jaso dute lehiaketaren irabazle Xanti Eliasek –haren emazteak jaso du, berak ezin izan du-eta ekitaldira joan– eta karnabal giroko argazki onenaren irabazle Iñaki Etxenagusiak, hurrenez hurren.

Jai karnabal eguerdiko zezeneko bideoa

Otsailak 29, 2016 0 Sokamuturra

2016ko karnabalak. Otsailak 7, igandea. Bergarako Zezenak ganadutegia. Sokamutil ohi Aitor Unanue, Iñaki Zuloaga, Haritz Segurola Xague, Fernando Arakistain eta Aitor Iriarte Txato-k egindako irteera. Norbanakoek grabatu eta Zezen Beltz elkartearen Whatsappera bidalitako bideoekin eginiko montajea da. Beste egunetakoekin ere egingo dugu. Eskerrik asko denei! (bidaltzaileen artean Oskitz Aldalurri tokatu zitzaion afaria)

'Azpeitiko sokamuturra. Soka ez da eten' dokumentalak, bost urte

Otsailak 26, 2016 0 Sokamuturra

Gaur bost urte aurkeztu zuen Zezen Beltz elkarteak Azpeitiko sokamuturra. Soka ez da eten dokumentala; 2011ko otsailaren 26a zen, eta leporaino bete zen Sanagustin kulturgunea. Herriko sokamuturraren tradizioa kontatzen du lanak –ia 500 urteko historia du–, baita sokaren istorioak eta sokamutilen eta ganadutegien lana ere. 2012an, dokumentala sarean osorik ikusgai jarri genuen, eta irakurgai ere bai, liburu formatoan. 2013an, berriz, laburpena katalanez, espainolez, frantsesez eta ingelesez jarri genuen. Enekoitz Esnaola kazetaria izan zen Soka ez da eten-en zuzendaria eta Lara Madinabeitia, errealizadorea. Dokumentalak oso harrera ona eduki zuen, mila aleko tiradatik 900 saldu baitziren; oraindik ere eskatzen du jendeak. BEHEAN, OSORIK IKUSGAI.

6.orria, 33(e)tik
6